Жаңалықтар

Қазақстанда Сириядағы ахуал жөнінде халықаралық кездесу өтеді

10-11 желтоқсан күндері елордада Сирия бойынша кезекті халықаралық жоғары деңгейдегі ХІV кездесу өтеді. ҚР СІМ ресми өкілі Айбек Смадрияров: «Оған кепілгер елдер – Иран, Ресей, Түркия, Сирия Үкіметі, Сирия қарулы оппозициясы делегациясы қатысады» деп мәлім етті.

-Бақылаушылар ретінде БҰҰ, Иордания, Ливан және Ирактың жоғары өкілдері болмақ. Отырыстың күн тәртібінде мынадай мәселелер қаралады: Сириядағы ахуал, Ифрат өзенінің арғы жағы және Идлиб мәселелеріне басымдық, тұтқындарды босату және із-түзсіз жоғалған адамдарды іздестіруді қоса алғанда сенім шаралары, босқындарды қайтару және мемлекет ішінде қоныс аударған тұлғалар контексінде Сирияға кешенді гуманитарлық көмек көрсетуді жандандыру, оның ішінде халықаралық конференция өткізу туралы тиісті бастамаларды талқылау, Конституциялық комитеттің іске қосылуы аясында саяси үдерістерді ілгерілету, – дейді Айбек Смадияров.

ҚР СІМ өкілінің айтуынша, кездесу алаңында БҰҰ мен халықаралық Қызыл Крест комитетінің кепілгерлері мен сарапшыларының қатысуымен күшпен ұсталып отырған адамдарға арналған жұмыс тобының оныншы отырысын өткізу жоспарланып отыр.

Дереккөз: Елорда.инфо

Tags

Осы айдарда

error: Көшіруге болмайды!! Барлық құқығы қорғалған
Close