Еліміздің мешіттерінде соңғы бір жылда 50 мыңдай адам дәріс алған

Еліміз бойынша мешіттер жанындағы діни сауат ашу курстарында 2019 жылы 50 мыңға жуық адам дәріс тыңдаған. Бұл туралы ҚМДБ ресми сайтында жарияланды.

«2019 жылы Нұр-Сұлтан, Алматы, Шымкент қалалары мен облыс өкілдіктері бойынша, діни сауат ашу курстарында 32 841 ер және 16 949 әйел білім алды. Жалпы саны 49 790 адам сауат ашты. «Имани жаз – 2019» жазғы діни сауат ашу курстарында 20 721 ер, 10 014 қыз, жалпы саны 30 735 бүлдіршін Ислам негіздері туралы дәріс алды. ҚМДБ-ға қарасты діни оқу орындарын тәмамдаған 494 түлекке диплом берілді. Имамдардың білімін жетілдіру институтында 137 дін қызметкері білімін арттырды. Өңірлік имамдардың білімін жетілдіру курстарында 1 724 қызметкер білімін жетілдірді» деп атап өтті Қазақстан мұсылмандары діни басқармасы Діни білім және кадр даярлау бөлімінің басшысы Бейбіт Мырзагелдиев.

durbi.kz