Оралда террористік топ мүшелеріне үкім шықты

Орал қаласында өткен жазда ҚР Ұлттық қауіпсіздік комитетінің күшімен радикалды діни топ қолға түскен болатын.  Арнайы операция  барысында ұсталған топтан атыс қаруы, оқ-дәрілер және діни материалдар алынған еді. Топ мүшелеріне сот үкімі шықты.

Үкім оқылғанда белгілі болғаны, үш жігіт бірігіп жоспар құрып, топқа діни білімі төмен 5 жасты тартқан. Араларынан «әмір» сайлап, соған ант берген.  Аталған топ шаһардағы құқық қорғау мекемелеріне қарулы шабуыл жасамақ болған.

6 адам 3 жылдан 13 жылға дейін бас бостандығынан айырылса, екеуінің бостандығы шектелді.

Бұл жайлы толығырақ дерек беретін мақаланы «Дүрбі» газетінің алдағы санынан оқи аласыздар.

durbi.kz

суреттер AQJAIYQ телеарнасы хабарынан алынды