Дінтанушылар еріктілер тобының белсенділерімен кездесті

Атырау облысы Дін істері басқармасы Ақпараттық-талдау орталығының тапсырысы негізінде «Иман жастары» еріктілер тобының белсенділерімен «Ұлттық құндылықтар – тәрбиенің түп қазығы» тақырыбында кездесу өтті. 

Орталық «Иманғали» мешітінде өткен кездесуге Л.Н.Гумилев атындағы Еуразия ұлттық университеті, дінтану кафедрасының меңгерушісі, ф.ғ.к., дінтанушы-ғалым К.Тышхан мен діни-танымдық muslim.kz сайтының орыс тілді редакторы М.Қайырғалиев қатысып, еліміздегі зайырлы білім беретін оқу орындарының жай-күйі, исламдағы бизнес жүргізудің шариғи негіздері турасында жамағатқа түсінік берді.